?

Log in

No account? Create an account

Previous Entry Share Next Entry
Илектра и животные
орел
koparev wrote in uctopuockon_pyc
Оригинал взят у koparev в Илектра и животные

Бы́сть въ тридеся́тое лѣ́то, въ четве́ртый мѣ́сяцъ, въ пя́тый де́нь мѣ́сяца: и а́зъ бы́хъ посредѣ́ плѣне́нія при рецѣ́ Хова́ръ, и отверзо́шася небеса́ и ви́дѣхъ видѣ́нія Бо́жія. Въ пя́тый де́нь мѣ́сяца — сіе́ лѣ́то пя́тое плѣне́нія царя́ Іоаки́ма. И бы́сть сло́во Госпо́дне ко Іезекíилю, сы́ну Вузíеву, свяще́ннику, въ земли́ Халде́йстѣй при рѣцѣ́ Хова́ръ. И бы́сть на мнѣ́ рука́ Госпо́дня. И ви́дѣхъ: и се́ ду́хъ воздвиза́яйся, грядя́ше отъ сѣ́вѣра, и о́блакъ вели́кій въ не́мъ, и свѣ́тъ о́крестъ его́, и о́гнь блиста́яйся. И посредѣ́ его́, я́ко видѣ́ніе иле́ктра посредѣ́ огня́, и свѣ́тъ въ не́мъ, посредѣ́ я́ко подо́біе четы́рехъ живо́тныхъ; и сіе́ видѣ́ніе и́хъ: я́ко подо́біе человѣ́ка въ ни́хъ. И четы́ре ли́ца еди́ному, и четы́ре кри́ла еди́ному. И го́лени и́хъ пра́вы и перна́ты но́ги и́хъ, и и́скры, я́ко блиста́ющаяся мѣ́дь, и ле́гка кри́ла и́хъ. И рука́ человѣ́ча подъ кри́лами и́хъ, на четы́рехъ страна́хъ и́хъ. И ли́ца и́хъ и кри́ла и́хъ — четы́рехъ — держа́щаяся дру́гъ дру́га, ли́ца же и́хъ — четы́рехъ — не обраща́хуся, внегда́ ходи́ти и́мъ, ко́еждо пря́мо лица́ своего́ хожда́ху. И подо́біе ли́цъ и́хъ: лице́ человѣ́чее и лице́ льво́во одесну́ю четы́ремъ, и лице́ те́льчее ошу́юю четы́ремъ, и лице́ о́рлее четы́ремъ. (И ли́ца и́хъ) и кри́ла и́хъ просте́рты свы́ше четы́ремъ: коему́ждо два́ сопряже́на дру́гъ ко дру́гу и два́ покрыва́ху верху́ тѣлесе́ и́хъ, и ко́еждо пря́мо лицу́ своему́ идя́ше. Идѣ́же а́ще бя́ше ду́хъ ше́ствуяй, идя́ху, и не обраща́хуся. И посредѣ́ живо́тныхъ видѣ́ніе я́ко у́глія огня́ горя́щаго, я́ко видѣ́ніе свѣ́щъ, сообраща́ющихся посредѣ́ живо́тныхъ, и свѣ́тъ огня́, и отъ огня́ исхожда́ше я́ко мо́лнія. И живо́тная теча́ху и обраща́хуся, я́ко видѣ́ніе везе́ково [на по́лѣ: блиста́нія]. И ви́дѣхъ: и се́ ко́ло еди́но на земли́ держа́щееся живо́тныхъ четы́рехъ. И видѣ́ніе коле́съ и сотворе́ніе и́хъ, я́ко видѣ́ніе ѳарси́са, и подо́біе еди́но четы́ремъ; и дѣ́ло и́хъ бя́ше: я́коже а́ще бы бы́ло ко́ло въ колеси́. На четы́ри страны́ и́хъ ше́ствоваху, не обраща́хуся, внегда́ ше́ствовати и́мъ, ниже́ хребты́ и́хъ, и высота́ бя́ше и́мъ. И ви́дѣхъ та́: и плещи́ и́хъ испо́лнены оче́съ о́крестъ четы́ремъ. И внегда́ ше́ствовати живо́тнымъ, ше́ствоваху и коле́са, держа́щеся и́хъ, и внегда́ воздвиза́тися живо́тнымъ отъ земли́, воздвиза́хуся и коле́са. Идѣ́же а́ще бя́ше о́блакъ, та́мо бя́ше и ду́хъ, е́же ше́ствовати: ше́ствоваху и живо́тная, и коле́са воздвиза́хуся съ ни́ми, зане́ ду́хъ жи́зни бя́ше въ колесѣ́хъ.

promo uctopuockon_pyc ноябрь 17, 2016 11:36 35
Buy for 10 tokens
Оригинал взят у koparev в Арктическая теория и Россия «Арктическая» теория Основа арктической теории была заложена книгой североамериканского историка Уоррена «Найденный рай, или Колыбель человечества на Северном полюсе» (1893 г.). Уоррен…